ဒီနေ့မိုးလင်းကတည်းက ရာသီဥတုက အုံ့မှိုင်းနေတာပါပဲ ကျတော်မျက်နှာမသစ်ခင် အိမ်အပြင် ထွက်ကြည့်လိုက်တော့ မိုးစက်မှုန်မှုန်လေးတွေက ကျတော့်အပေါ်ကို မသိမသာကျလို့နေတယ် ညကချောင်းဆိုးလို့ အိပ်ပျက်ပေမဲ့ စိတ်ကကြည်နေတယ်။ကျတော်ငေးနေမိတယ် သူကလဲ ကျတော့်ကို မျှော်လင့်ချက်တွေနဲ့ ပြန်ကြည့်နေတယ် ဘယ်သူလဲဆို မှန်ကန်ထဲမှာထည့်ထားတဲ့ ကျတော်ချစ်တဲ့ Oscar fish ပေါ့ သူအစာတောင်းနေပြီလေ ဒါနဲ့အရင်နေ့က ဈေးရောက်တာနဲ့ ပုဇွန်လေးတွေဝယ်လာတယ် လှော်ပြီး သူ့အတွက် လုပ်ထားပေးတယ် သူမျှော်နေတဲ့ အစာလေးချကျွေးလိုက်တာနဲ့ သူ့မျက်လုံးတွေ အရောင်တောက်သွားသလိုပဲ လိုအပ်သလောက်ကျွေးပြီးတာနဲ့ ကျတော်လဲ မျက်နှာသစ် နံနက်စာ စားပြီးတာနဲ့ ကျတော့်အလုပ်ကိုသွားခဲ့ပါတော့တယ်။ ကျတော်ဆေးသောက်ဖိုမမေ့ပါဘူး ချောင်းဆိုးနေတာ လေးရက်ခန့် ရှိသွားပြီ ပထမညကဆို အိပ်လို့တောင်မရဘူးလေ ဒါနဲ့ အလုပ်ရောက်မှသောက်မယ်ပေါ့ အလုပ်ရောက်တော့လဲ တော်တော်နဲ့မသောက်ဖြစ်သေးဘူး။ ဆေးလေးသောက်ဖို့အရေး အချိန်ခါရွေးနေတာနဲ့ သေစရာရှိလောက်တယ်နော် :D ကျတော့်သခင်မလေးကိုစောင့်နေတာကြောင့်လား မသောက်ချင်သေးလို့လားမသိပါဘူး။ သခင်မလေး အသံကြားလိုက်ရချိန်မှာ ဆေးသောက်ဖို့ အားတွေရှိလာသလိုပဲ သူကအထီးကျန်နေတဲ့ ကျတော့်ကို နွေးထွေးစေတယ် အားအင်တွေပေးနေသလို ခံစားမိနေလို့ပါ။ နေမကောင်းကတည်းကတိုင် ကျတော့်ကိုဂရုစိုက်ပေးခဲ့တယ် သခင်မလေး အိမ်ပြန်ရောက်တာတောင် ဆေးသောက်ဖို့မေ့မှာဆိုးလို့ ဖုန်းဆက်ပြီးပြောပေးတယ် ကာရံတွေ အဓိပ္ပါယ်တွေပြည့်စုံတဲ့ သံစဉ်တစ်ပုဒ်ကိုနားထောင်နေရသလို ဘ၀ကပြည့်စုံသွားသလိုခံစာရတယ် ဒါပေမဲ့ အဲဒီအရာတွေဟာ ကျတော့်အနားမှာ အမြဲမရှိနိုင်ဘူးထင်ပါတယ် ဒါပေမဲ့ သတိရဖို့အတွက်တော့ ရှိလာနိုင်ပြီပေါ့ နောင်အချိန်တွေမှာ စသားမဲ့အသံမဲ့ တိုးတိတ်စွာ ရေရွတ်နေရမှာကိုလဲ ကြောက်နေမိသလိုပဲ။ အရိုးသားဆုံးပြောခွင့်ရှိမယ်ဆို အချိန်တိုအတွင် ကျတော့်ရင်ဘက်မှ ကြိုးမျှင်တစ်ချောင်း သခင်မလေးဆီသို့ ဆန့်တန်းလိုက်မိသလားေ၀၀ါးအတွေးတွေပဲလား သေချာချင်ပါတယ်။
ချောင်းဆိုးမှာပေါ့ဆေးလိပ်တွေမတရားသောက်တာကိုး.....:D
ReplyDelete