ငွေကျပ် ၁၅ဝဝ တန် ဆင်းကတ် ဈေးနှုန်းများ ဆက်တိုက်ကျဆင်း လာသော်လည်း လျှောက်ထားသူ ကျဆင်းခြင်း မရှိ

ငွေကျပ် ၁၅ဝဝ တန် ဆင်းကတ် ဈေးနှုန်းများမှာ ဆက်တိုက် ကျဆင်းလျက် ရှိသော်လည်း ရပ်ကွက် အုပ်ချုပ်ရေးမှူး ရုံးများတွင် ငွေကျပ် ၁၅ဝဝ တန် ဆင်းကတ် လျှောက်ထားသူများ ပိုမို များပြားလာကြောင်း သိရသည်။

ရပ်ကွက် အုပ်ချုပ်ရေးမှူး ရုံးများတွင် ငွေကျပ် ၁၅ဝဝ တန် ဆင်းကတ် လျှောက်ထားကြသူ အများစုမှာလည်း ငွေကျပ် ၁၅ဝဝ တန် ဆင်းကတ် မဲပေါက်ပါက ကိုင်ဆောင် အသုံးပြုရန် မဟုတ်ဘဲ ပြန်လည် ရောင်းချရန် အတွက် လျှောက်ထားခြင်း ဖြစ်ကြောင်း သိရသည်။

ငွေကျပ် ၁၅ဝဝ တန် ဆင်းကတ်များကို ရပ်ကွက် အုပ်ချုပ်ရေးမှူး ရုံးများတွင် မဲစနစ်ဖြင့် ကနဦး ရောင်းချစဉ် ကာလက ငွေကျပ် ၁၅ဝဝ တန် CDMA, WCDMA ဆင်းကတ်များမှာ ပြင်ပ ဈေးကွက်များတွင် ငွေကျပ် ၈ဝဝဝဝ အထိ ပေါက်ဈေး ရှိခဲ့ပြီး ငွေကျပ် ၁၅ဝဝ တန် GSM ဆင်းကတ်များမှာ ငွေကျပ် ၁၂ဝဝဝဝ အထိ ဈေး ပေါက်လျက် ရှိကြောင်း သိရသည်။

သို့သော် ယခုအခါတွင် မြန်မာ့ ဆက်သွယ်ရေး လုပ်ငန်း လုပ်ကိုင်ခွင့်ရ Telenor နှင့် Ooredoo ကုမ္ပဏီ နှစ်ခုမှ မြန်မာ့ ဆက်သွယ်ရေး လောကတွင် 3G, 4G အစရှိသော Network များကို မကြာမီ အကောင် အထည် ဖော်မည်ဆိုသည့် သတင်းများကြောင့် ငွေကျပ် ၁၅ဝဝ တန် ဆင်းကတ် ဈေးနှုန်းများလည်း ဆက်တိုက် ကျဆင်းလာကြောင်း သိရသည်။

”၁၅ဝဝ တန် ဆင်းကတ် ဈေးနှုန်းတွေက ဆက်တိုက် ကျလာတယ်။ အရင်က CDMA, WCDMA ဈေးနှုန်း တွေက ၈ဝဝဝဝ လောက် ဈေးပေါက်ပေမဲ့ အခုဝယ်တဲ့ သူတွေက လေးသောင်းကျော်ကျော်ပဲ ပေးတော့တယ်။ GSM တွေ မဲဖောက်ပေးတာက တစ်ခုပဲ ရှိတယ်။ ပထမဆုံး မဲဖောက်ပေးတဲ့ အချိန်ပဲ ပေါက်ဈေးတွေက ၁၂ဝဝဝဝ လောက် ရှိခဲ့တယ်။ ဒါပေမဲ့ အခု ၇ဝဝဝဝ လောက်ပဲ ရှိတော့တယ်။ ဒါတောင် ဝယ်တဲ့သူတွေက နည်းနည်း ရှားသွားပြီ” ဟုယုဇနပလာဇာမှ ဖုန်း အရောင်းအဝယ် ပြုလုပ်သူ တစ်ဦးက ပြောကြားခဲ့သည်။

ငွေကျပ် ၁၅ဝဝ တန် ဆင်းကတ်ဈေးနှုန်းများ ဆက်တိုက် ကျဆင်း လာသော်လည်း လျှောက်ထားသူများ ပိုမို များပြားလာကြောင်း၊ ငွေကျပ် ၁၅ဝဝ တန် ဆင်းကတ်များ မဲပေါက်ပါကလည်း မိုဘိုင်းလ်ဖုန်း အရောင်းဆိုင် များနှင့် ချိတ်ဆက်၍ ပြန်လည် ရောင်းချကြကြောင်း သိရသည်။

”ဒီရက်ပိုင်း ရပ်ကွက်ရုံးမှာ မဲဖောက်ပေးမှာ။ မဲပေါက်ရင်တော့ ပြန်ရောင်းမယ်။ အခု ၁၅ဝဝ တန် GSM ဆင်းကတ် ပေါက်ဈေးက ၈ဝဝဝဝ နီးပါး ရှိသေးတယ်လို့ ကြားတယ်။ နောက်ပိုင်း ပြည်ပကုမ္ပဏီတွေ ဝင်လာရင် ဆင်းကတ်တွေက ပေါလာမှာ။ အခုဈေးရတုန်း ရောင်း ရမယ်။ ပြည်ပကုမ္ပဏီတွေ ဝင်လာရင် ဖုန်းလိုင်းကလည်း အခုထက် အများကြီး ကောင်းမှာ” ဟု ပြည်သူ တစ်ဦးက ပြောကြားခဲ့သည်။

တန်ဖိုးနည်း ငွေကျပ် နှစ်သိန်းတန် ဆင်းကတ်များမှာလည်း ယခုအခါ ငွေကျပ် တစ်သိန်းခွဲ ဝန်းကျင်သာ ပေါက်ဈေး ရှိနေပြီး ငွေကျပ် ငါးသိန်းတန် ဆင်းကတ်များမှာ ယခုအခါ နှစ်သိန်း ဝန်းကျင်သာ ပေါက်ဈေး ရှိကြောင်း သိရသည်။

Ref & Credit: မြ၀တီ